പാർട്ട് ടൈം ജൂനിയർ ലാംഗ്വേജ് ( ഹിന്ദി, സംസ്കൃതം, ഉറുദു, അറബിക് - എൽ.പി - യു . പി. ) അധ്യാപകരിൽ നിന്നും ഫുൾടൈം ജൂനിയർ ലാംഗ്വേജ് ( ഹിന്ദി, സംസ്കൃതം, ഉറുദു, അറബിക് ) എൽ.പി - യു . പി. അധ്യാപകർക്കായി ഉദ്യോഗക്കയറ്റം നൽകുന്നതിന് യോഗ്യത നേടിയവരും എന്നാൽ കണ്ണൂർ വിദ്യാഭ്യാസ ഉപഡയറക്ടറുടെ 16 / 07 / 2018 തീയതിയിലെ എ 2 / 12839 / 18 സർക്കുലർ പ്രകാരം പ്രൊഫോർമ സമർപ്പിക്കാത്തവരുമായ പാർട്ട് ടൈം ഭാഷാ അധ്യാപകരുടെ വിവരങ്ങൾ താഴെ ലിങ്കിൽ കൊടുത്തിരിക്കുന്ന നിശ്ചിത പ്രൊഫോർമയിൽ കൃത്യമായി തയ്യാറാക്കി ടി അധ്യാപകരുടെ സേവന പുസ്തകം സഹിതം 10 / 07 / 2019 (ബുധൻ) വൈകുന്നേരം 4 മണിക്ക് മുമ്പായി ഈ കാര്യാലയത്തിൽ സമർപ്പിക്കേണ്ടതാണ്. വൈകി ലഭിക്കുന്ന അപേക്ഷകൾ യാതൊരു കാരണവശാലും സ്വീകരിക്കുന്നതല്ല.
നിലവിലുള്ള തസ്തികയിൽ പ്രൊബേഷൻ കാലയളവ് തൃപ്തികരമായി പൂർത്തീകരിച്ചവർ മാത്രമേ അപേക്ഷിക്കേണ്ടതുള്ളൂ. 5 വർഷം പൂർത്തിയായത് വഴി ഫുൾ ടൈം ആനുകൂല്യം പറ്റുന്ന അധ്യാപകർ ഒരിക്കലും ഫുൾ ടൈം അധ്യാപകരല്ലെന്നും അറിയിക്കുന്നു. ഫുൾ ടൈം പ്രൊമോഷൻ ലഭിച്ച അധ്യാപകർക്കാണ് ഹൈസ്ക്കൂൾ അധ്യാപക (യോഗ്യതയുടെ അടിസ്ഥാനത്തിൽ) തസ്തികയിലേക്ക് പരിഗണിക്കുമ്പോൾ മുൻഗണന നൽകുന്നത്.
07 - 12 - 1991 ലെ ജി. ഒ. (പി) നം. 39 / 91 പി ആൻറ് എ.ആർ.ഡി. ഉത്തരവ് പ്രകാരം താൽക്കാലികമായി ഉദ്യോഗക്കയറ്റം വേണ്ടെന്നു വെച്ച അധ്യാപകരുടെ വിവരങ്ങൾ പ്രധാനാധ്യാപകർ സമർപ്പിക്കേണ്ടതാണ്.