വളരെ പ്രധാനപ്പെട്ട അറിയിപ്പ് -- സമയബന്ധിതം --
2019 - 20 വർഷത്തെ ഉപജില്ലാതല സ്പോർട്സ് & ഗെയിംസ് സെക്രട്ടറി (എസ്. ഡി. എസ്. ജി. എ.) തെരഞ്ഞെടുപ്പുമായി ബന്ധപ്പെട്ട പൊതുവിദ്യാഭ്യാസ ഡയറക്ടറുടെ കത്തും അനുബന്ധമായി നൽകിയിട്ടുള്ള കണ്ണൂർ വിദ്യാഭ്യാസ ഉപഡയറക്ടറുടെ പുറത്തെഴുത്ത് കത്തും ചുവടെ ലിങ്കിൽ എല്ലാ പ്രധാനാദ്ധ്യാപകരുടെയും അറിവിലേക്കും സത്വര തുടർനടപടികൾക്കുമായി നൽകുന്നു.
മേൽ കത്തിൽ നിർദ്ദേശ്ശിച്ച പ്രകാരം 09 / 07 / 2019 (ചൊവ്വ) നു വിളിച്ചുചേർത്ത ഈ ഉപജില്ലയിലെ കായികാധ്യാപകരുടെ യോഗത്തിൽ 4 പേർ മാത്രമാണ് പങ്കെടുത്തിട്ടുള്ളത്. ആയതിനാൽ പ്രസ്‌തുത യോഗത്തിൽ പങ്കെടുക്കാത്ത കായികാധ്യാപകരിൽ നിന്നും ആയതിനുള്ള വിശദീകരണം അതാത് സ്ക്കൂൾ പ്രധാനാദ്ധ്യാപകർ എഴുതി വാങ്ങി പ്രസ്‌തുത വിശദീകരണം ഉപരിപത്രം സഹിതം പ്രത്യേക ദൂതൻ മുഖേന 11 / 07 / 2019 (വ്യാഴാഴ്ച) നു ഉച്ചകഴിഞ്ഞു 2 മണിക്ക് മുമ്പായി എ. ഇ. ഓ. ആഫീസിൽ സമർപ്പിക്കേണ്ടതാണ്. കണ്ണൂർ വിദ്യാഭ്യാസ ഉപഡയറക്ടർക്കു 11 / 07 / 2019 നു വൈകുന്നേരം 5 മണിക്ക് മുമ്പായി റിപ്പോർട്ട് സമർപ്പിക്കേണ്ടതിനാൽ പ്രധാനാധ്യാപകർ സമയ പരിധി കർശ്ശനമായി പാലിക്കേണ്ടതാണ്. നിർദിഷ്ട സമയപരിധിക്കകം വിശദീകരണം ഈ കാര്യാലയത്തിൽ സമർപ്പിക്കാത്തവരുടെ വിവരങ്ങൾ പൊതുവിദ്യാഭ്യാസ ഡയറക്ടർക്ക് സമർപ്പിക്കുന്നതാണ്.
