വളരെ പ്രധാനപ്പെട്ട അറിയിപ്പ്
താഴെ കൊടുത്തിരിക്കുന്നതു പ്രകാരം ഇൻസ്പയർ അവാർഡ് നോമിനേഷൻ ഓൺലൈനായി 25 / 07 / 2019 നകം പൂർത്തീകരിച്ചു പ്രസ്‌തുത വിവരം നിർബന്ധമായും 31 / 07 / 2019 നകം പ്രധാനാദ്ധ്യാപകർ ഈ കാര്യാലയത്തിൽ സമർപ്പിക്കേണ്ടതാണ്. ഒരു വിദ്യാലയത്തിൽ നിന്നും ഏറ്റവും കുറഞ്ഞത് സമർത്ഥനായ ഒരു വിദ്യാർഥിയെ എങ്കിലും പ്രസ്‌തുത അവാർഡിനായി പ്രധാനാദ്ധ്യാപകർ കണ്ടെത്തി ഓൺലൈൻ മുഖേന അപേക്ഷ സമർപ്പിക്കേണ്ടതാണ്. അവസാന സമയത്തെ തിരക്ക് മൂലം നിർദിഷ്ട സൈറ്റിൽ അപേക്ഷ ഓൺലൈനായി സമർപ്പിക്കുന്നതിന് സാങ്കേതിക തടസ്സം നേരിട്ടേക്കാമെന്നതിനാൽ കഴിവതും വേഗം അപേക്ഷ സമർപ്പിക്കേണ്ടതാണെന്നു അറിയിക്കുന്നു.
ഇൻസ്പയർ അവാർഡ് 2019 - 20
ഇൻസ്പയർ അവാർഡ് 2019 - 20 ലേക്ക് തെരഞ്ഞെടുക്കുന്നതിന് വേണ്ടി ഓൺലൈൻ എൻട്രി സമർപ്പിക്കുന്നതുമായി ബന്ധപ്പെട്ട പൊതു വിദ്യാഭ്യാസ ഡയറക്ടറുടെ കത്തിന്റെ പകർപ്പ് താഴെ ലിങ്കിൽ എല്ലാ പ്രധാനാദ്ധ്യാപകരുടെയും അറിവിലേക്കും തുടർനടപടികൾക്കുമായി നൽകുന്നു. പ്രസ്‌തുത കത്തിലെ നിർദ്ദേശ്ശങ്ങൾ പ്രധാനാധ്യാപകർ കൃത്യമായി പാലിച്ചു വെബ്പോർട്ടലിൽ രജിസ്റ്റർ ചെയ്‌തിട്ടില്ലാത്ത വിദ്യാലയങ്ങൾ ഉടൻ രജിസ്റ്റർ ചെയ്യേണ്ടതാണ്. സ്ക്കൂൾ തലത്തിൽ ഇൻസ്പയർ അവാർഡ് 2019 - 20 നു അർഹരായ വിദ്യാർത്ഥികളുടെ നോമിനേഷൻ 2019 ജൂലൈ 31 നു മുമ്പായി ഓൺലൈനായി സമർപ്പിക്കേണ്ടതാണ്. ഓൺലൈൻ മുഖേന ഇൻസ്പയർ അവാർഡിന് അപേക്ഷ സമർപ്പിച്ചിട്ടുള്ള വിദ്യാർഥികളുടെ വിവരങ്ങൾ പ്രധാനാദ്ധ്യാപകർ 2019 ആഗസ്റ്റ് 5 നകം ഓഫീസിൽ സമർപ്പിക്കേണ്ടതാണ്.
പ്രധാനാദ്ധ്യാപകർ ഈ വിഷയത്തിൽ യാതൊരുവിധ വീഴ്ചയും വരുത്തുവാൻ പാടുള്ളതല്ല. എല്ലാ വിദ്യാലയങ്ങളിൽ നിന്നും സമയബന്ധിതമായി അപേക്ഷ സമർപ്പിക്കാൻ പ്രധാനാദ്ധ്യാപകർ പ്രത്യേകം ശ്രെദ്ധിക്കേണ്ടതാണ്.
