വളരെ പ്രധാനപ്പെട്ട അറിയിപ്പ്
പാഠപുസ്തകവിതരണം രണ്ടാം വാല്യം
ഈ അധ്യയന വർഷത്തെ രണ്ടാം വാല്യം പാഠപുസ്തകവിതരണം എല്ലാ ( സൊസൈറ്റികളിൽ നിന്നും സ്കൂളുകളിലേക്ക് പാഠപുസ്തകങ്ങൾ എടുക്കാത്തവരുണ്ടെങ്കിൽ മുൻപ് കൊടുത്തിരിക്കുന്ന ഇൻഡന്റിന്റെ കോപ്പി ഹാജരാക്കി സൊസൈറ്റികളിൽ നിന്നും ആവശ്യമായ പാഠപുസ്തകങ്ങൾ ഉടനടി കൈപ്പറ്റേണ്ടതാണ് ) സ്കൂളുകളിലും കൃത്യമായി പൂർത്തീകരിച്ചിട്ടുള്ളതായി പ്രധാനാദ്ധ്യാപകരും ബന്ധപ്പെട്ട ക്ലാസ് അധ്യാപകരും പരിശോധിച്ചു ഉറപ്പുവരുത്തേണ്ടതാണ്.
ഒന്ന് മുതൽ എട്ടു വരെയുള്ള ക്ലാസ്സുകളിൽ സൊസൈറ്റികളിലും സ്കൂളുകളിലും കുട്ടികൾക്ക് വിതരണം പൂർത്തീകരിച്ചതിനുശേഷവും അവശേഷിക്കുന്ന പാഠപുസ്തകങ്ങൾ ( അധികമുള്ള പാഠപുസ്തകങ്ങൾ ) പ്രധാനാധ്യാപകർക്ക് ആയതിന്റെ രസീതി വാങ്ങി മറ്റുള്ള സ്കൂളുകൾക്ക് കൈമാറാവുന്നതാണ്.
ഇങ്ങനെ പുനർവിന്യാസം നടത്തിയതിനു ശേഷവും വിദ്യാലയങ്ങളിൽ രണ്ടാം വാല്യം പാഠപുസ്തകങ്ങൾ ഏതെങ്കിലും ലഭിക്കാനുണ്ടെങ്കിൽ പ്രസ്തുത വിവരം ( ക്ലാസ്, പുസ്തകത്തിന്റെ പേര്, മീഡിയം , ഇനിയും ആവശ്യമുള്ള എണ്ണം ) കൃത്യമായി രേഖപ്പെടുത്തി 25 / 09 / 2019 (ബുധൻ) നു നടത്തപ്പെടുന്ന എ. ഇ. ഓ. കോൺഫറൻസിൽ സമർപ്പിക്കേണ്ടതാണ്. ഈ വിഷയത്തിൽ വീഴ്ച വരുത്തുന്ന പക്ഷം പിന്നീട് യാതൊരു കാരണവശാലും രണ്ടാം വാല്യം പാഠപുസ്തകങ്ങൾ ലഭ്യമാകുന്നതല്ലെന്ന വിവരം അറിയിക്കുന്നു.