Flash

2025 വര്‍ഷത്തെ LSS/USS പരീക്ഷകള്‍ 27/02/2025 ശനിയാഴ്ച To submit expenditure for online please click here

September 30, 2019

പ്രധാനധ്യാപകരുടെ ശ്രദ്ധക്ക്
  
 ഉപജില്ലാ തല ഐ.ടി മേളയുടെ ഭാഗമായി അപ്പര്‍പ്രൈമറി/ഹൈസ്ക്കൂള്‍/ഹയര്‍സെക്കണ്ടറി വിദ്യാര്‍ത്ഥികള്‍ക്കായുള്ള സ്ക്കൂള്‍ തല ഐ.ടി ക്വിസ് മത്സരം എല്ലാ ജില്ലകളിലും ഒരേ ദിവസം നടത്താന്‍ തീരുമാനിച്ചിട്ടുണ്ട്.ഇതിന്റെ അടിസ്ഥാനത്തില്‍ 2019-20 അധ്യയന വര്‍ഷത്തെ സ്ക്കൂള്‍ തല ഐ.ടി ക്വിസ് മത്സരം 03-10-2019 (വ്യാഴാഴ്ച) ഉച്ചക്ക് 2 മണിക്ക്  സ്ക്കൂളുകളില്‍ വച്ച് നടത്തേണ്ടതാണ്. മത്സരം നടത്തേണ്ട ക്വിസ് മാസ്റ്റര്‍മാരെ മുന്‍കൂട്ടി നിശ്ചയിക്കുകയും മത്സരത്തില്‍ പങ്കെടുക്കേണ്ട വിദ്യാര്‍ത്ഥികള്‍ക്ക് പങ്കെടുക്കാനാവശ്യമായ നിര്‍ദ്ദേശം നല്‍കുകയും ചെയ്യണമെന്ന് അഭ്യര്‍ത്ഥിക്കുന്നു. സര്‍ക്കുലര്‍ അറ്റാച്ച് ചെയ്യുന്നു.
 
ഒ .ബി .സി .പ്രീ മെട്രിക് സ്‌കോളർഷിപ്പിന് അപേക്ഷ ക്ഷണിച്ചു..

വിശദ വിവരങ്ങൾക്ക് ഇവിടെ ക്ലിക്ക് ചെയ്യുക
അറിയിപ്പ് 
L  S  S  Coaching മായി   ബന്ധപ്പെട്ട്  01.10.2019 ന്  ചൊവ്വാഴ്ച്ച നടക്കുന്ന   one  day  training  ഇരിട്ടി ബി .ആർ സി യിലേക്ക് മാറ്റിയതായി അറിയിക്കുന്നു. 

പ്രധാനാദ്ധ്യാപകരുടെ അടിയന്തിര ശ്രദ്ധയ്ക്ക്
                 2019-20 വർഷത്തെ ഇരിട്ടി ഉപ ജില്ലാ കായിക മേളയുടെ നടത്തിപ്പുമായി ബന്ധപ്പെട്ട്   ഒരു യോഗം 01.10.2019 ന്  രാവിലെ 10 .30 ന് ഇരിട്ടി എ.ഇ.ഒ .കോൺഫറൻസ് ഹാളിൽ ചേരുകയാണ്.ബഹു .ഡി .ജി .ഇ യുടെ നിർദ്ദേശം അനുസരിച്ചുള്ള പ്രസ്തുത യോഗത്തിൽ സബ്ബ് ജില്ലയിലെ ഗവ,എയിഡഡ് ,അൺ എയ്‌ഡഡ്‌ സ്കൂൾ വിഭാഗങ്ങളിലെ പ്രിൻസിപ്പൽമാർ ,ഹൈസ്ക്കൂൾ പ്രധാനാദ്ധ്യാപകർ ,എച്ച്.എം .ഫോറം എക്സിക്യൂട്ടിവ് അംഗങ്ങൾ ,അധ്യാപക സംഘടനാ പ്രതിനിധികൾ ,കായിക അദ്ധ്യാപകർ എന്നിവർ നിർബന്ധമായും പങ്കെടുക്കേണ്ടതാണെന്ന് ഉപജില്ലാ വിദ്യാഭ്യാസ ഓഫീസർ അറിയിക്കുന്നു.കായികമേളകൾ സമയബന്ധിതമായി പൂർത്തീകരിക്കുന്നതിന് എല്ലാവരുടെയും സഹായ സഹകരണങ്ങൾ പ്രതീക്ഷിക്കുന്നു.പ്രധാനാധ്യാപകർ കായികാധ്യാപകർക്ക് യോഗത്തിൽ പങ്കെടുക്കുവാനുള്ള നിർദ്ദേശം നൽകേണ്ടതാണ്.
       സോണൽ ഗെയിംസ് ഇനങ്ങളുടെ ഓൺലൈൻ എൻട്രി 30.09.2019 ന് പൂർത്തിയാക്കി പ്രിൻറ് ഔട്ട് പ്രിൻസിപ്പൽ/ പ്രധാനാധ്യാപകർ സാക്ഷ്യപ്പെടുത്തി 01.10.2019 ന് ഓഫീസിൽ ഏല്പിക്കേണ്ടതാണ്.

NB:വിവിധ മേളകളുടെ നടത്തിപ്പിനാവശ്യമായി ഉപജില്ലയിലെ അധ്യാപകരിൽ നിന്നും സ്വീകരിക്കുന്ന സംഭാവന (Rs.200/-വീതം )15.10.2019 ന് മുമ്പ് ഓഫീസിൽ ഏൽപ്പിച്ച്  രസീത് കൈപറ്റി മേളകളുടെസുഗമമായ നടത്തിപ്പിനുവേണ്ടി സഹകരിക്കണമെന്ന് അറിയിക്കുന്നു.


September 28, 2019


പ്രധാന അധ്യാപകരുടെ  ശ്രെദ്ധക്ക് //
മുഖ്യമന്ത്രിയുടെ  സന്ദേശം  താഴെ  കൊടുക്കുന്നു .

Chief Ministers sandesam


/ പ്രധാനധ്യാപകരുടെ  ശ്രെദ്ധക്ക് //

 //അടിയന്തിരം // 

ജി ഐ എസ്  മാപ്പിംഗ്  പൂർത്തീകരിച്ച് (ഇതുവരെ റിപ്പോർട്ട് ചെയ്യാത്ത സ്കൂളുകൾ)   ആ  വിവരം 30 .09 .2019 ന് ഉച്ചക്ക് 12 മണിക്ക് മുന്നേ   തന്നെ  ഓഫീസിൽ  അറിയിക്കേണ്ടതാണ്.
 പ്രധാനാധ്യാപകർക്കുള്ള അറിയിപ്പ് 
 കണ്ണൂർ ഡയറ്റിന്റെ ആഭിമുഖ്യത്തിൽ പ്രധാനാധ്യാപകർക്കുള്ള ഒരു ഏകദിന ശില്പശാല 09 .10 .2019 ന് ബുധനാഴ്ച്ച 10 മണി മുതൽ എ.ഇ.ഒ കോൺഫറൻസ് ഹാളിൽ വെച്ച് നടത്തുന്നു .ശില്പശാലയിൽ താഴെ കൊടുത്തിരിക്കുന്ന ഫോർമാറ്റുകൾ പൂരിപ്പിച്ചു കൊണ്ടുവരേണ്ടതാണ്.

LP,UP Format

Format 4

LP,UP Module

Format 1

 
അറിയിപ്പ് 
L  S  S  Coaching യുമായി   ബന്ധപ്പെട്ട്   ഒരു   one  day  training  Diet  ന്റെ   നേതൃത്വത്തിൽ 01.10.2019 ചൊവ്വാഴ്ച്ച     എ .ഇ .ഒ .കോൺഫറൻസ് ഹാളിൽ വെച്ച്   നടത്തുന്നു.  ഈ  ഉപജില്ലയിലെ  സ്കൂളുകളിൽ  നാലാംക്ലാസ്സ്  ൽ  പഠിപ്പിക്കുന്ന  LP,UP,HSS വിദ്യാലയങ്ങളിലെ   `  ഒരു അധ്യാപകൻ / അദ്ധ്യാപിക   നിർബന്ധമായും   പങ്കെടുക്കേണ്ടതാണ്.പങ്കാളികൾ അവരുടെ ബേങ്ക് അക്കൗണ്ട് നമ്പറും ഐ .എഫ് .എസ്‌ .സി .കോഡും കൊണ്ടുവരേണ്ടതാണ്.

September 27, 2019

വളരെ പ്രധാനപ്പെട്ട അറിയിപ്പ് 

                              ചുവടെ ലിങ്കിൽ കൊടുത്തിരിക്കുന്ന മൽസരങ്ങളുടെ  (GAMES)  ഓൺലൈൻ രജിസ്‌ട്രേഷൻ വിദ്യാലയങ്ങളിൽ നിന്നും 30 / 09 / 2019  (തിങ്കൾ)  വൈകുന്നേരം  4 മണിക്ക് മുമ്പായി പൂർത്തീകരിക്കേണ്ടതാണ്.   ഓൺലൈനായി വിവരങ്ങൾ നൽകുമ്പോൾ ടീം മാനേജരുടെ പേരുവിവരങ്ങൾ നിർബന്ധമായും നൽകേണ്ടതാണ്.  നിർദിഷ്ട സമയപരിധിക്കകം ഓൺലൈൻ മുഖേന രജിസ്‌ട്രേഷൻ നൽകാത്തപക്ഷം യാതൊരു കാരണവശാലും മത്സരങ്ങളിൽ പങ്കെടുക്കുവാൻ അർഹത ഉണ്ടായിരിക്കുന്നതല്ല. അതീവ പ്രാധാന്യമുള്ള ഈ വിഷയത്തിൽ വീഴ്ച വരുത്തുന്ന പക്ഷം വിദ്യാർത്ഥികളുടെ അവസരം നഷ്ടപ്പെട്ടാൽ ബന്ധപ്പെട്ട വിദ്യാലയത്തിലെ പ്രധാനാധ്യാപകൻ / ഹയർ സെക്കണ്ടറി പ്രിൻസിപ്പാൾ ഉത്തരവാദികളായിരിക്കുമെന്നും അറിയിക്കുന്നു. 

                                                                          

ഭാസ്കരാചാര്യ സെമിനാർ
                          യു.  പി.,  ഹൈസ്ക്കൂൾ, ഹയർസെക്കണ്ടറി  വിഭാഗം ഭാസ്കരാചാര്യ സെമിനാർ 05 - 09- 2019 ന് ശനിയാഴ്ച്ച രാവിലെ 10 മണിക്ക് എ .ഇ .ഒ ആഫീസ്, കോൺഫറൻസ് ഹാളിൽ വെച്ച് നടത്തുന്നതാണ്. യു. പി, ഹൈസ്ക്കൂൾ, ഹയർ സെക്കണ്ടറി വിഭാഗങ്ങളിൽ നിന്നും ഓരോ  വിദ്യാർത്ഥിയെ വീതം പങ്കെടുപ്പിക്കേണ്ടതാണ്. 
*******************************************************

                         ഗണിതശാസ്ത്രക്വിസ് മത്സരം 01 / 10 / 2019  (ചൊവ്വ) നു  കീഴൂർ വാഴുന്നവർസ് യു. പി. സ്ക്കൂളിൽ  വെച്ച് നടത്തുന്നതാണ്. 
ഗണിതശാസ്ത്രക്വിസ് സമയക്രമം ചുവടെ കൊടുത്തിരിക്കുന്നു. 
                                    01 - 10 - 2019  (ചൊവ്വ)     
എൽ. പി. വിഭാഗം  - രാവിലെ 10 മണി 
യു. പി   വിഭാഗം      - രാവിലെ 10 മണി 

ഹൈസ്‌ക്കൂൾ വിഭാഗം  -  ഉച്ചയ്ക്ക്  1 മണി 

ഹയർ സെക്കണ്ടറി വിഭാഗം   - ഉച്ചയ്ക്ക്  1 മണി 
എൽ. പി.,  യു. പി, ഹൈസ്ക്കൂൾ, ഹയർ സെക്കണ്ടറി വിഭാഗങ്ങളിൽ നിന്നും ഓരോ  വിദ്യാർത്ഥിയെ വീതം പങ്കെടുപ്പിക്കേണ്ടതാണ്. 

                       അർഹരായ വിദ്യാർത്ഥികളെ  കൃത്യസമയത്തു മത്സരത്തിൽ പങ്കെടുപ്പിക്കാൻ എല്ലാ സ്ക്കൂൾ മേധാവികളും ശ്രെദ്ധിക്കേണ്ടതാണ്.  
*******************************************************
വന്യ ജീവി വാരാഘോഷം -2019 
വിദ്യാർത്ഥികൾക്കായുള്ള മത്സരങ്ങൾ
വിശദ വിവരങ്ങൾക്കായി ഇവിടെ ക്ലിക്ക് ചെയ്യുക 
പേജ് 2 നായി ഇവിടെ ക്ലിക്ക് ചെയ്യുക
കണ്ണൂരിൽ വച്ചു നടക്കുന്ന 63 മത് സംസ്ഥാന സ്കൂൾ കായികോത്സവത്തിന്റെ സംഘാടകസമിതി രൂപീകരണയോഗം 2019 സെപ്റ്റംബർ 29  തീയതി ഞായറാഴ്ച രാവിലെ 11 മണിക്ക് മാങ്ങാട്ടുപറമ്പ് ഉള്ള കണ്ണൂർ യൂണിവേഴ്സിറ്റി   സെമിനാർ ഹാളിൽ വച്ച് നടക്കുകയാണ്. എല്ലാ  പ്രധാന അധ്യാപകരും  യോഗത്തിൽ പങ്കെടുക്കേണ്ടതാണ് .

September 26, 2019

ജൈവ വൈവിധ്യ ഉദ്യാനം വിദ്യാലയങ്ങളിൽ 
  2019-20 സാമ്പത്തിക വർഷത്തെ ജൈവവൈവിധ്യ ഉദ്യാനം വിദ്യാലയങ്ങളിൽ നടത്തിപ്പിനായി ഈ ഉപജില്ലയിൽ തിരഞ്ഞെടുക്കപ്പെട്ട 10 സ്കൂളുകൾക്ക് ,സ്കൂൾ ഒന്നിന് 10,000 രൂപ വീതം താഴെ പറയുന്ന കാര്യങ്ങൾക്കായി അനുവദിച്ചിട്ടുണ്ട്.
1.നിലമൊരുക്കൽ 
2.വിത്തുകളും സസ്യ ഇനങ്ങളും ശേഖരിക്കൽ ,സസ്യങ്ങൾ നട്ടുപിടിപ്പിക്കുകയും പരിപാലിക്കുകയും ഭൗതിക സാഹചര്യങ്ങൾ അനുകൂലമാക്കൽ .
3.ഹരിതസമിതി രൂപീകരണം ,വിദ്യാലയ ജൈവവൈവിധ്യ രജിസ്റ്റർ തയ്യാറാക്കൽ ,ജൈവ വൈവിധ്യ ഉദ്യാനം .
4.പ്ലാസ്റ്റിക് വിമുക്ത വിദ്യാലയ പ്രവർത്തനങ്ങൾ ആരംഭിക്കൽ ,പ്രതിമാസ അവലോകന യോഗങ്ങൾ.
 തിരഞ്ഞെടുക്കപ്പെട്ട സ്കൂളുകൾ തുക അനുവദിക്കുന്നതിനായി ടി തുകയുടെ വൗച്ചറുകൾ എത്രയും പെട്ടെന്ന് ഈ ഓഫീസിൽ സമർപ്പിക്കേണ്ടതാണ്.
 അറിയിപ്പ് 

  2019 -20 വർഷത്തെ ഉപജില്ലാ കലോത്സവ സംഘാടക സമിതി രൂപീകരണ യോഗം 01 .10 .2019 ന് ചൊവ്വാഴ്ച്ച ഉച്ചക്ക് 2 മണിക്ക് അങ്ങാടിക്കടവ് സേക്രഡ് ഹാർട്ട് ഹയർ സെക്കണ്ടറി സ്കൂളിൽ വെച്ച് നടത്താൻ തീരുമാനിച്ചിരിക്കുന്നു.പ്രസ്തുത യോഗത്തിൽ ഉപജില്ലയിലെ മുഴുവൻ സ്കൂൾ പ്രിൻസിപ്പൽമാർ ,പ്രധാനാദ്ധ്യാപകർ ,അധ്യാപക സംഘടനാ പ്രതിനിധികൾ എന്നിവർ കൃത്യ സമയത്തുതന്നെ പങ്കെടുക്കണമെന്ന് ഉപജില്ലാ വിദ്യാഭ്യാസ ഓഫീസർ അറിയിക്കുന്നു.
അറിയിപ്പ് 
സാമൂഹ്യ ശാസ്ത്രം പ്രശ്നോത്തരി 
   സാമൂഹ്യ ശാസ്ത്ര മേളയുടെ ഭാഗമായി എൽ.പി,യു .പി ,എച്ച്.എസ്,എച്ച്.എസ് .എസ് വിഭാഗങ്ങൾക്കായുള്ള ക്വിസ്സ് മത്സരം 05.10.2019 ന് ശനിയാഴ്ച രാവിലെ ഇരിട്ടി ബി.ആർ.സി.യിൽ വെച്ച് നടത്തപ്പെടും.

എൽ .പി ,യു .പി വിഭാഗം (ഒരേ സമയം)

രജിസ്‌ട്രേഷൻ                              :9.30.മണി 
പ്രശ്നോത്തരി മൽസരം         :10 മണി

എച്ച്.എസ് ,എച്ച്.എസ് .എസ്  വിഭാഗം(ഒരേ സമയം)


രജിസ്‌ട്രേഷൻ                          :11.30 മണി 
പ്രശ്നോത്തരി മത്സരം        ; 12 മണി 

LP,UP,HS,HSS വിഭാഗങ്ങളിൽ ഒരു സ്കൂളിൽ നിന്ന് ഒരു കുട്ടിക്ക് മാത്രമേ പങ്കെടുക്കാൻ പറ്റുകയുള്ളു.മത്സരാർത്ഥികൾ സ്ഥാപന മേധാവിയുടെ സാക്ഷ്യപത്രം കൊണ്ടുവരേണ്ടതാണ് .