വളരെ അടിയന്തിരം
ഫെബ്രുവരി 21 - ലോക മാതൃ ഭാഷാദിനം - പ്രതിജ്ഞ
ലോക മാതൃ ഭാഷാദിനമായ ഫെബ്രുവരി 21 ന് (ബുധൻ) ശ്രീ. എം. ടി. വാസുദേവൻ നായർ തയ്യാറാക്കിയ താഴെ കൊടുത്തിരിക്കുന്ന പ്രതിജ്ഞ എല്ലാ വിദ്യാലയങ്ങളിലും വിദ്യാർഥികളുടെ അസംബ്ലി യിൽ ചൊല്ലി കൊടുക്കുന്നതിനുള്ള അടിയന്തിര നടപടികൾ പ്രധാനാദ്ധ്യാപകർ സ്വീകരിക്കേണ്ടതാണെന്ന് പൊതു വിദ്യാഭ്യാസ ഡയറക്ടർ അറിയിച്ചിരിക്കുന്നു.
പ്രതിജ്ഞ
" മലയാളമാണ് എൻ്റെ ഭാഷ.
എൻ്റെ ഭാഷ എൻ്റെ വീടാണ്.
എൻ്റെ ആകാശമാണ്.
ഞാൻ കാണുന്ന നക്ഷത്രമാണ്.
എന്നെ തഴുകുന്ന കാറ്റാണ്.
എൻ്റെ ദാഹം ശമിപ്പിക്കുന്ന കുളിർവെള്ളമാണ്.
എൻ്റെ അമ്മയുടെ തലോടലും ശാസനയുമാണ്.
ഏതു നാട്ടിലെത്തിയാലും ഞാൻ സ്വപ്‌നം കാണുന്നത്
എൻ്റെ ഭാഷയിലാണ്.
എൻ്റെ ഭാഷ ഞാൻ തന്നെയാണ്."
